🙏🏻 आज का भगवद् चिंतन - ज्ञानप्राप्तीचा मार्ग 🙏🏻

🙏🏻 आज का भगवद् चिंतन - ज्ञानप्राप्तीचा मार्ग 🙏🏻

एक दिवस गौतम बुद्धाकडे एक माणूस आला. त्याने विचारलं, देव नाही ना?

बुद्ध म्हणाले, नाही.

थोड्या वेळाने दुसरा माणूस आला. त्यानेही विचारलं, देव आहे ना?

बुद्ध म्हणाले, आहे.

काही वेळाने तिसरा माणूस आला. त्याने विचारलं, देव आहे का?

बुद्ध मौन राहिले.

सगळी माणसं निघून गेल्यानंतर बुद्धाचा शिष्य आनंद याने विचारलं, भगवन्, तुम्ही तीन माणसांनी विचारलेल्या एकाच प्रश्नाला तीन वेगवेगळी उत्तरं का दिलीत?

बुद्ध म्हणाले, तिन्ही प्रश्न सारखे नव्हते. नीट आठव. पहिला माणूस नास्तिक होता. त्याच्या मनात कसलीच जिज्ञासा नव्हती. तो ठाम मताला पोहोचला होता. ईश्वर नाही, या त्याच्या मताला फक्त दुजोरा हवा होता त्याला. तो मी दिला. दुसरा माणूस आस्तिक होता. तोही परमेश्वर आहेच, हे मनाशी पक्कं करून आला होता. त्यालाही माझ्याकडून दुजोरा हवा होता. तो मी दिला. तिसरा माणूस मात्र जिज्ञासू होता. त्याच्या मनात कोणतंही ठाम उत्तर नव्हतं, निष्कर्ष नव्हता. म्हणजे तो ज्ञानप्राप्तीच्या मार्गावर होता. मीही त्याच मार्गावर आहे. माझ्याकडेही ठाम उत्तरं आणि निष्कर्षं नाहीत, धारणा नाहीत. त्यामुळे मी मौन राहिलो. त्याला जे समजायचं ते समजलं.

-ओशो